الفنانة شيرين عبد الوهاب تجاوزت حدودها مع بهاء الدين محمد فكشف ما فعلته في مكتبه دون خجل !!
فتح الشاعر بهاء الدين محمد النار على المطربة المصرية شيرين عبد الوهاب بعد أن أجابت على سؤال عن أكثر أغنية ندمت على تقديمها.
وذلك من خلال فقرة “اسألني” التي أجرت من خلالها حواراً مع الجمهور على خاصية القصص المصورة الملحقة على حسابها الخاص بـ”إنستغرام” وأجابت عن السؤال بأن الاغنية هي “متجرحنيش”، والتي كتبها لها بهاء.
وعبر حسابه الرسمي على موقع “فيسبوك”رد بهاء الدين محمد، على هذا التصريح، بمنشور هاجم فيه شيرين قائلاً: “مش متعود أرد على أي حد..
ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم يجي عند بعض الأسماء ويحاسب ويخلى باله، وخاصة لما حد في كل كارثة يدافع عنها.. وهتكلم باختصار جداً.
كما قال أيضاً في ردّه: إن “المشهد الأول، أول يوم دخلت شيرين عبد الوهاب مكتبي كانت مع الأستاذ نصر محروس، اللي هو صاحب الفضل في تقديمها، وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء”.
وأضاف: “والمشهد الثاني رشحتها تغني كتير بنعشق، ولولا موافقة نصر احتراماً للعشرة اللي بنا ماكانتش هتغنيها، لأنها كانت موقوفه من النقابة”.
وتابع: المشهد الثالث لما فوجئت بمدير أعمال شيرين عبد الوهاب الراجل اللي أنا بحبه وبحترمه، لقيته بيكلمنى نيابة عنها ويقولي سمعني الجديد، وده طبعا خطأ لأن اللى بيغني مهما كان اسمه مش المفروض يغلط غلطة زي دي، لأن المشهد ده مش لايق على المشهد الأول”.
واستطرد: المشهد الرابع والأخير أغنية “متجرحنيش” أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء.. و”متجرحنيش” من أهم أعمالي ومن حقي أدافع عنها نتاج تهور اللي غنيتها”.
وختم بها بالقول: “وكمان لأول مره ألاقي حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانه كالعادة، بس كان لازم أقولها ما تعمليش كده تاني وأنتي بتكبري بس مش هتعدي حدود حجم بعض الأسماء ولا أعمالهم”.
